«ДегӀа могашал эшаенна бераш дешаш долча, ваха хилар моттига доал дарах, къаман политиках йолча, бахархошца, дин доаржадеча моттигашца бувзам лоаттабеча Халкъа Гуллама комитета кулгалхочун гӀонча вола Къоастой Ахьмад. Цига хьалха латтача ЦӀечой Ахьмадаца цо дийцар дешара моттига хьал тоадарах, дегӀа могашал эшаеннача берашца болх бе эшашдарех», - йоах тхогарча хоамо.

Берашца ха дӀахьош а хилар Къоастой Ахьмад; белгалде деза, из уж долча каст-каста воагӀаш волга. Берий дешара программага, кхыдарашка хьежар депутат. «ДегӀа могашал эшаеннача берашта геттара лакха терко лоаттае еза, сага йӀовхалга, безамга сатувс цар, шоашта гӀо дича геттара гӀадболх», - белгалдир Къоастой Ахьмада, цу лоархӀамеча гӀулакхах дувцаш.