ГӀалгӀайчен Парламента депутат дакъа лоацаш хилар, Ставрополе герга истол дӀахьоча
ГӀалгӀай Республикан Халкъа Гуллама вахара политикан, унахцӀенон комитета кулгалхочун гӀонча волча Олганаькъан Бадрудина дакъа лаьцар, наха вахаре новкъостал дара дешаш кхоачашдеча. Из хилар Ставропольски края Думе герга истол дӀахьоча хана, яхаш, дийцар «Сердало» газетага ГӀалгӀай Республикан Халкъа Гулламе.
«Цига дийцар, мехка бахархошта хьалхашка нийслуш долча декхарех а хаттарех а, вахара хьал аттача даккхара бахархошта новкъостал дарах а.
СВО доакъашхошта, цар дезалашта вахарца эша гӀо дара йолча программах а дийцар, «ДегӀаахар» яха программа кхоачашъярах, наха дарбаш дарах, лорий хьал тоадарах дийцар», - йоах хоамо.
Цу тайпарча пайданеча кхетачене дакъа лоацаш, ГӀалгӀай Республикан Парламенто а кхычар а шоайла вахара говзал дӀа-юха эц, керда балха наькъаш лох, лоархӀаме декхараш дувцача таронаш хул.
