«Эхь, эздел Ӏомадар, Даьхенцара безам совбаккхар, тӀехьа тӀадоагӀача ноахала цу тайпара нийса кхетам балар массаза а хиннад вай эггара бехктокхамегӀа дола хьалхара декхар. Вай къам лерттӀа дегӀадара хьакъехьа из массахана а хьалхарча, лоархӀамерча декхарех лоархӀаш а хиннад. Тахан юкъедувлаш латтача ийрчача гӀулакхашта духьалъотта дезаш да вай, Россе дахархой. Дукха хӀама тийша да укхаза депутатех. Цудухьа со тешаш я вай тахан хоржаш бола депутаташ шоашкара уж дешаш кхоачашдара эшаш дар юкъедахьаш хургба, аьнна», — йоах «Сердало» газетага АбдурзаковгӀар Аьсета.