Даьхен гӀулакха латта чӀоагӀо йир вай мехкарча итт зӀамигача сага
Сочерча РФ къаман гварде тӀема оагӀон моттиге, Даьхен гӀулакха арабаьннача къонабараша тӀема чӀоагӀо еш кхетаче дӀайихьар. Из хоам «Сердалога» бир миннацера.
«Къона тӀемхой даькъала бувцаш къамаьл дир ККОО эпсарий оагӀон кулгалхочун гӀонча, полковник, гӀазкхий эскара инарал, Сочерча УВД юкъарча оагӀон доакъашхо волча Мусакаев Талгата, гӀалгӀай къаман культуран гӀулакхех йолча центра хьалха латтача Малсаганаькъан Аюпа. Иштта цига дакъа лоацаш хилар тӀема оагӀон кулгалхой, администраци, гаргара нах», - йоах хоамо.
Эпсараша, хьаьшаша даьча къамаьлах, уж дог тийша ба, Россе тайп-тайпарча миӀингашкара гулбенна кагирхой, шоай декхараш дизза кхоачашдеш, мохк лорабеш, росгвардеец яха цӀи лакха лоаттаеш чакхбаргхиларах. Къонача бӀухочоа ха дезараш Ӏомадеш, курс чакхъяьккхай цар.
Кхетаче йистеяьлча, Сочерча Росгварде доакъашхоша жоп делар бӀухой гаргарча наьха хаттарашта.
