УнахцӀенача вахара тӀахьех вай бераш
07.06.2024 10:20
Хьалхарча классера денз, Ӏомаду вай мехкара бераш унахцӀенача вахара тӀакхувш хила. Могашал лораярахи йолча республикерча оагӀоно гӀо деш, Магасерча дешара моттиге берашта лаьрхӀа кхетаченаш дӀайихьар. Из хоам «Сердалога» бир Даьла духьа гӀо деш лелача унахцӀенон оагӀон доакъашхошта хьалхалаттача ЦӀечой Дейсе.
«УнахцӀена вахар чӀоагӀа лоархӀаме да» яха лекци йийшар цига. Цо дувцар, эггара хьалхарча аргӀагӀа лораде дезарех.
ШоллагӀа дакъа «Со мукъа ва» яхача оагӀонах латтар. ДегӀо чӀоаггӀа тӀаэзе, тӀаккха йита ца могача цхьайолча оамалех дийцар цига. Цу юкъе яр даиман бера Ӏо ца йоахка телефонаш», - дийцар тха газетага.
Укх бетта 9-ча денга кхаччалца дӀахьош долча берий унахцӀено лораярах долча Денна хетаяь яр дӀайихьа кхетаченаш.
