СВО ГӏалгӀайчен бӀухой бераша тӀема гӀулакх леладерашка каьхаташ яздир
Дег тӀара доагӀача дӀайхача дешашца, ганзо терко лоаттаеча зӀамигача бераша Налганаькъан Ахьмада, Гӏантамаранаькъан Темарлана, Налганаькъан Рианнас, Гӏантамаранаькъан Зулейхас даькъалабувц лаьрххӀача операце доакъашхой Кердача 2026 шерца. Цар баркал оал бӀухошта; денал, майрал, турпалал гойташ; Даьхе лораеш уж латтарах», - аьлар хоамо.
Бераша яздаьча каьхаташка хоалуш да цар саготделга, царна бӀухой дагабоахкаш хилар; керда шу дездеча хана, герз беделла уж тӀема мугӀарашка моастагӀчоа духьалъотта безаш хиларах. Бакъда цунца цхьана зӀамига автораш тешаш ба, вай мохк котбаргхиларах. Цар сатувс Даьхен къонгаш, маьрша болаш, цӀабахкарга.
Белгалду, болама доакъашхоша уж балхаш шоай кулгашца даь хилар, цар тӀа ба таханара турпалхой - СВО доакъашхой.
«Даьхен лорабой» ганза болх лелабеча Тиймарзанаькъан Луизас яхачох, иштта дӀахьоча кхетачено берий сакхетам лакхбу; ди-бийса ца къовсаш, Даьхе бахьан латташ болча бӀухой лерхӀам а дикагӀа кхетабу.
