Программировани Ӏомаеш хургда вай бераш
02.08.2024 16:14
Итт шерал тӀехдаьннача берашта лаьрхӀа, Scratch яха программировани йовзийташ йола курс дӀахьоргья вай мехка кхаь кӀира. Из хоам «Сердалога» бир «Кванториум» яхача берий паркера.
«Боккхача говзанчаша дешархошта довзийтаргда программированех дола дуккха кердадараш. Цул совгӀа, проекташ кхолла, боаггӀача боараме уж дӀайовзийта Ӏомабергба уж цига», - дийцар тхога дешара моттига кулгал деча Янданаькъан Салмана.
Курс чакхъяьккхачул тӀехьагӀа, сертификаташ декъаргда дешархошта.
