«Ахкан наькъаш» яхача болама доакъашхой хилар вай берех
12.08.2024 13:23
«Ахкан наькъаш» яха болам хьаллоацаш да вай мехкара бераш. Каьхатах даьча миха кемилга аргӀа цхьан мехкара кхыча мехкага кхоачийт бераша.
«КӀоарга маӀан шийна чулаьца да каьхата кемилг. Шоай мехкара хӀама доаржаду бераша интернета оагӀонашка истореца, культураца дувзаденна сийленгаш, кхыйола моттигаш хьаеш. РФ дахаш дола къамаш шоайла вӀашкаоза, бувзам хотта дӀахьош проект я из. Магаса, республикерча кхыйолча хозача моттигий сурташ оттадаьд вай бераша», - белгалдир «Бералла наькъаш» яха моттигера проект кхоачашъярга хьожаш волча Колой СаӀида.
