ГӀалгӀайчен берашта довз, шоай къамо гаьнарча ханашка леладаьр
О древней культуре ингушского народа поговорили со своими воспитанниками работники Джейрахского Дома культуры. Увлекательная беседа открыла ребятам много нового и интересного, расширила их представления о далеком прошлом и дала ответы на разные интересующие их вопросы.
Терко тӀаозаш долча къамаьло дукха кердадараш хьадийллар берашта, дӀаяхача ханашкара вахара куцаш духьалъэттар царна, тайп-тайпарча хаттарашта жоп а делар цар.
«Дукхача къамашта довзац гӀалгӀай Ӏадаташ. ГӀалгӀай Ӏадаташ хьадоагӀа диъ эзар шу хьалха денз, царех дукхагӀдараш тахан а леладеш да. ГӀалгӀай къамо лораю культура, къаьнара Ӏадаташ, даьй оамалаш.
Кхыча къамий кхы юхадоагӀаргдоацаш дӀадаьнна Ӏадаташ; тахан вай къамо чӀоагӀа лоархӀаш, леладеш да. Мишта хила деза гӀалгӀай Ӏадатех деш дола хьоалчагӀа?
ГӀалага хьежача, сенах ховш хиннад фу дезал ба цу чу бахараш? МалагӀа цӀайш дезду гӀалгӀаша? Уж а кхыдола а хаттараш дийцар къамаьл деш. Кхувш йоагӀача тӀехьено, чӀоагӀа терко тӀайохийташ, ладувгӀар», — аьлар «Сердало» газетага ЖӀайрахьарча культура ЦӀен кулгалхочо, ГӀалгӀайчен цӀихезача болхлочо Цисканаькъан Тамаре.
Лоаман ЖӀайрахьа кхале хозача, яьссача ара улл.
БӀаьшеренашта юкъе кхерах даь дукха сийленгаш латт цига, уж цӀихеза да укх дерригача дуненна, цар дагаухийт гӀалгӀай халкъа къаьнара истори.
