МагIалбикерча СВО доакъашхой берашта психологически новкъостал ду
21.04.2025 16:22
ЛаьрххIача тIема операце дакъа лоацаш болча МагIалбика-Шахьара бIухой берашта психологически новкъостал ду говзанчаша. МагIалбика №1 йолча Чахкенаькъан С. цIерагIча гимназе «Патриотизм. Мишта кхетаю аз из?» яха къамаьл хилар.
Ловзара кепара дешархоша шоашта хетар аьлар эскарерча тIема амалах, Даьхенцарча безамах, цунна шоай мах оттабир. Бераша шоашта хетар оалар, юкъе вахарера масалаш а доаладеш. Къаьстта йола терко тIаяхийтар Даьхенцара безам совбаккхара йолча оагIонна, гаргарча нахацара, нийсархошцара безам чIоагIбара.
Говзанчаша яхачох, дийна къамаьл дIахьош хиларо берий терко тIаоз, царна новкъостал ду кхерама духьалъотта, из бувзабенна ба цу берий даьй тIема даькъ тIа хиларца.
