Илдарха-ГӀалий тӀарча яхье, шоай говзал гойташ хилар СВО доакъашхой бераш
09.07.2025 10:55
Илдарха-ГӀалий тӀа дӀахьош хиннача яхье; шоай низ, говзал гойташ хилар тӀема операце доакъашхой бераш. Из хоам «Сердало» газетага бир «Даьхен лорбой» яхача ганза моттигерча филиала болхлоша.
«Дзюдо лоархӀарашта доккха цӀай хилар ганза болхло йолча Чемарзанаькъан Марьянас вӀашагӀъеллача яхьах. Из йолаялалехь, тренер волча Къоастой Альберта къамаьл дир берашца дзюдох лаьца, из спорт дегӀа мел пайда беш я белгалдеш. Ше-ше котвала гӀерташ, шоай мел бола низи говзали оарцагӀъяьккха эттар бераш турнире», - йоах тхога бенача хоамо.
Белгалде деза, иштта йолча турнираша берий спортацара безам кхы а чӀоагӀагӀа лакхбелга.
