ГӀалгӀайчен столице берий ярмарка хилар
ГӀалгӀайчен цаӀ мара йоацача «Кванториум» яхача берий технопарке, берашта болча салоӀама, шоаш дешаш болча моттиге кхетаче дӀайихьар - «Кванториума ярмарка», яхаш, дийцар «Сердало» газетага из вӀашагӀъеллараша.
«Дешара шу йистедаьнна хиларца дувзаденна, «Кванториума» хьехархоша лаьрхӀар шоай бераш гӀаддига, иштта цу юкъера эггара хьинар дараш белгалдаха.
Берригача дешархошта дика ховш да цу моттига ший тайпара оагӀонаш хилар, цунна чуйоагӀа коинаш (хувцара лаьрхӀа дола ахча). Из ахча берий даккха йиш я, шоай дешар дика довзаш хиларца. Кхетаче йистейоалаш, царна елар технопарка хайтек-цехе хьаяь хӀамаш», - аьлар хоамо.
Балха чаккхе еш, кулгалхочо Янданаькъан Салмана белгалвир дукхача яхьашка котваьнна Марзбиканаькъан ИсмаӀал. Цо технопарка вахаре дика дакъа лоац. Из бахьан долаш цун совгӀата делар дахчан кема.
