ГӏалгӀайчен берий технопарко Ӏомабеш дола говзанч-хьехамаш дир
ГӏалгӀайчен хьалхара «Кванториум» яхача берий технопарко бераш Ӏомаду говзанч-хьехамаш дир, царна чудоагӀаш дар электроника, программах йола электроника, сага кхелла хьаькъал Ӏомадар, яхаш, дийцар «Сердало» газетага цигарча зарбан болх лелабераша.
«Цу дешара моттигерча хьехархоша эггара чӀоагӀагӀа карарча шера лелаеш йола оагӀонаш белгалйир. Электроника урок дӀахьош, берашта дийцар токаца болх беш ха дезар, цул тӀехьагӀа берашта хьалхашка декхар оттадир, еррига фотореле (лампаш дӀайоаю, хьалсога) йола чоалх хьавӀашагӀйолла, из декхар цар дика кхоачашдир», - аьлар технопарке.
Сага кхеллача хьаькъала чоалх вӀашагӀйоллара геттара а теркам тӀабахийтар бераша, цунца цхьана уж хьежар теоретически оагӀонга а.
Юххера а, говзанчаша дийцар кхетаче дакъа лоацаш хиннарашта программа электроника массаза лелаеш хинначул эргаш хиларах, хайра хӀана оал цох хургдолчун технологи.
