ЦӀи кхераме йолга дийцар Магасерча берашта
13.05.2025 11:41
Магасерча «Цветик - семицветик» яхача берий беша цӀерацарча кхерамзленах дувцаш, кхетаче дӀайихьар МЧС болхлоша. Из хоам «Сердалога» бир цу моттигера.
Йоккхача, сийрдача машинаца кхаьчача сиха оарцагӀа ухача къахьегамхоша берашка дийцар; цӀи ялар мел кхераме, доккха хатар да, цӀи яьлча эггара хьалха фу де деза.
ЦӀилеторгашца ловзар леладе, токацарча хӀамашта юхеваха йиш йоацилга; лотаялар кхерам болча хӀамаех лоравала везилга; цӀи яьлча лачкъа йиш йоацилга; 101, 112 сиха телефон дӀатоха езилга дийцар берашта.
«Урок йистеяьлча, цӀи йоаеча оарцагӀа ухача машина чу багӀа, цӀи йоаерий гӀирс тӀакхолла бокъо елар берашта»,- дийцар тхога республикерча Россе МЧС ГУ.
