Илдарха-Гӏалан дешархошца, денала урок дӀайихьар
Илдарха-Гӏалий тӀарча «Седкъилг» яхача ишкола даькъ тӀарча лагере укх деношка денала урок елар. Из болх вӀашагӀбеллараш бар ЛаьрххӀача тӀема операце доакъашхой, яхаш, дийцар «Сердало» газетага «Даьхен лорбой» ганзо.
«Хиннача росгвардейцаца, Илдарха-Гӏалан №7 йолча ишкола дешархочунца Темарханаькъан Рамзанаца къамаьл деш, дайзар вай мехкахоша лаьрххӀа йола операци дӀахьоча малагӀча хьалашка тӀом бу, цар денал, майрал хилар. Бӏухоша дийцар Даьхе езарах, бейнарий сий деш, царна карагӀдаьнна доккхий гӀулакхаш диц ца деш, дIадахарий оагӀонаш дагалоаттаеш хила везарах. Из бӀаргадайна болча бӀухошца хинна къамаьл чӀоагӀа дег чу дужаш дар берашта», - аьлар хоамо.
Тӏема мугӀарашка денал, майрал гойташ болча СВО доакъашхошта шоаш хьаяь хӀамаш, сурташ делар бераша. Бӏухошта дезаделар машарах, цхьоагӀонах дола къонача начӀал дараша даьха иллеш.
