Боккхагӏболча дешархошца Денала урок дӏайихьар Наьсаре
«Даьхен лорабой» яхача ганза болхлоша Денала урок дӏайихьар Наьсарерча дешархошца. Тӏема операце доакъашхой бийхабар берашца къамаьл де. «Сердалога» из хоам цу моттигера бир.
Кхетаче дӏахьош хиннараш бар СВО бӏухо Шоанахой Муслим, «Даьхен лорабой» яхача ганза республикерча филиала болхло ӏарапханаькъан Мухьмад, кагирхой гӏулакхех йолча комитета болхло Тиймарзанаькъан Мухьмад. Урока тема - «Даьхе лораяр- хӏаране гӏулакх».
Шоанахой Муслима лакхерча классашка дешачарна дийцар тӏема аренашка ший вахаре нийсденнарех, Даьхен гӏулакха латтарах. ӏарапханаькъан Мухьмада хьоахадир СВО доакъашхошта, цар цӏагӏарча наха гӏо деш, шоаш дӏахьоча балхах. Хӏаьта кагирхой гӏулакхех йолча Комитета болхлочо Тиймарзанаькъан Ахьмада берашта хьалхадаьккхар, Даьхе боча, еза хила езилга, Даьхен гӏулакха шоай начӏал доаржадеш, хьинаре къахьегаш хила безилга.
«Даьша хьабена турпала никъ бовзаш хила деза вай; цул совгӏа, иштта денал, яхь йолаш дӏадаха деза. Ший истори лархӏар, довзар лоархӏамеча гӏулакхех да», - белгалдир кхетаче.
