Ишкол яьккхарий цӏаькха экзамен яла таро хилар
Дийша баларах йола 11 класс яьккхарашта экзамен дӏайолаелар Гӏалгӏай мехка шозлагӏа. Тов бетта 4-ча дийнахьа денз, республике экзаменаш дӏалуш ба цхьацца долча бахьанех ханнахьа царех чакх ца боалаш, юкъера дешар дийша ба аьнна аттестаташ хьа ца эцаш бисараш.
«Тӏехьара тӏа ЕГЭ дӏаялара йолча хана, республикан дешархоша язйир ЕГЭ эрсий меттах. Из дӏаялара дӏатӏабитар цхьацца долча бахьанех ханнахьа из дӏа ца eннараш, иштта эрсий меттах боагӏаш бола балл кӏезига баьккхараш. Экзамен дӏалуш дакъа лаьцар 212 сага, из дӏайихьар Наьсарен №6 йолча ишкола даькъ тӏа», - аьлар «Сердало» газетага Гӏалгӏайчен дешара Министерствоc.
Из болх вӏашагӏбеллаб эшаш мел йолча таронашца. Экзамена материалаш, дӏаяхьара хьалаш, царна мах оттабара оагӏув хила езача тайпара ӏалашъяь я ГИА дӏаяхьара. Выпускникашта из шоллагӏа луш йола бокъо я дийша баларах дола каьхат хьаэца, дӏахо лакхерча дешара моттигашка оттаргболаш.
