2027 шерга кхачале, 15,5 км инженерни хьалаш хьадергда
ГӏалгӀай Республикан гӀишлошъяра министр Иленаькъан Муса дакъа лоацаш хилар кхетаче, из дӀайихьар, ВКС кепара РФ вахара-коммунальни гӀишлой министра хьалхарча гӀончас Ломакин Александра кулгал деш. Из хоам «Сердало» газетага бир зарбан болх лелабераша.
Цига дийца керттера дош дар мехка чуйоагӏача моттигий доазонаш массайолча оагӀорахьара дегӀадоаладар (КРТ), паччахьалкхен программаш кхоачашъяр.
Гӏишлошъераша яхачох, КРТ чуйоагӀаш йола вай республикан уж проекташ кхоачашъяра 260 млн сом хьожадаьд.
«Цу ахчах дергда инженерни балхаш 15,5 км, цу юкъе хица Ӏалашо яр (4885 м); хиш а, иштта догӀа дийлхача хьаӀовш дола бӀеха хиш дӀа-юха ахийтарга кийчо яр (5 995 м); иштта юкъейоалаяьй 18,6 эзар кв м. фусамаш 2027 шерга кхаччалца аргӏ-аргӏагӏа хьалъяр.
Таханарча дийнахьа болхлоша дӀахьош ба дукхача квартирай цӀа хьелдеш, иштта хица Ӏалашо еш бола болх.
Хьалхарча гӏишлон кийча хилар 25% я, шоллагӀчунга - 72%», - аьлар ГӏалгӀайчен гӀишлошъяра Министерстве.
