«КъайлагӀа лелабеча балхацара къовсам дӀабахьа беза. Нахага хоам дӀакхачийта беза, нагахьа санна болх Ӏаьдало бокъо енна беш беце, из пенси хьаэцача хана Ӏаткъаш хургдолга»,- аьлар Келаматанаькъан Махьмуд-Ӏаьлас, ше цу декхарех дувцаш.

Республикан къахьегама министра МутаӀаланаькъан Хьажбикара ГӀалгӀайчен Кулгалхочунга дийцар, шоаш цу даькъ тӀа беча балхах лаьца.

Мехка боахамашта юкъерча комиссе, балха тоабо тӀахьожам беш лоаттаду, моттигашка къайлагӀа лелабу болх гучабаккхар.

Цхьайолча хана, наха болх луш бола кулгалхой тешаме цахилар бахьан долаш, вахара хьалех а боал уж нах, хӀаьта бюджете хьачудоагӀа ахча а эшаденна хул. Эггара чоалханегӀа латт из хаттар гӀишлон, мах бара, транспорта даькъ тӀа.

Балхаш Ӏаьдала бокъон тӀа дахаро таро хулийтаргья вахара Ӏалашо е, наьха бокъонаш лорае.