1 228 394 сом гранташ яьхай республикерча гӀо деш лелараша
«Роскагирхой.Гранташ» яхача ерригача Россе яхьий гӀулакх хьакхайкадир. Гранташца новкъостал дергдарашта юкъе вай мехкара 3 саг ва. 1 228 394 сомах латта гранташ лургья царна. Из хоам «Сердалога» бир кагирхой политикахи туризмахи йолча комитета зарбан болх лелабеча ГӀулой Аминас.
«Къаман Ӏадаташ, оамалаш лораярах бола «Даьй оаз» яха болх кийчбир 25 шу даьннача Евкуранаькъан Шамала. «ОагӀох оагӀув теха» яхача ЦӀечой Ахьмада проекто дешархошта хьех, Даьхенах дог лазаш, тӀема декхараш кхоачашде кийча болаш, хила безилга.
«Эколокация» яхача оагӀонга гӀолла Даканаькъан Лейлас кагирхошта дувцаргда, вай мехкарча Ӏалама хьал мишта лораде деза; мехка моттигаш цӀена, хоза хургйолаш», - йоах хоамо.
Белгалде деза, тӀахьожам бу кхелахой 640 сагах лаьттилга, каьхаташ чуденна Россе бахархой 15 420 саг хиннав.
