Долакха-Юртарча ишколе хилар, «Халкъа Iаьржа таьзет» яха кхетаче
В Долаковской школе-детском саде № 2 провели памятное мероприятие «Халкъа lаьржа таьзет», приуроченное к 79-й годовщине сталинской депортации ингушского народа. Свои тематические композиции представил здесь вокалист Дома культуры сельского поселения Долаково Микаил Мамилов.
Цунна хетаяь ший композицеш гойтар Долакха-Юртарча культуран цIен иллиалархочо Мамилганаькъан Микаила.
«Дешархоша шоай нийсархошта гойтар театра спектакль, уж цунца, шоашта карагIдоалачох, 1944 шера саькура бетта 23-ча дийнахьа вай къаман тIабена бала хьахьокха хьежар. Сцена тIара декаш дар къам мехкахдаккхарах дола иллеш а байташ а, цхьадолча хиннар дувцача фильмашкара доакъош а юкъедоаладаьдар укх кхетаче гойта. «Вай халкъа таьзет» яха къонача поэта СаьпараIаланаькъан Микаила даь йоазош а го йиш яр укхаза, уж чIоагIа дег чу дувшаш дар гулбеннарашта», — аьлар «Сердало» газетага из моттиг вIашагIъеллараша.
Цу тайпара йола кхетаче дIахьош хилар иштта дувзаденна дар «Дешархошта — культура» яхача проектаца, шоай даьй хоза гIулакхаш, Iадаташ, мотт, культура вай тIехьенна йицлургйоацаш. Берригача хьаьшашта а иштта доакъашхошта а совгIаташ кийчдаьдар хьехархочо Iарчакханаькъан Мадинас, 8-ча класса кулгал деш йолча Гаракхой Азас, ишкола кулгалхочо Гиренаькъан Мовлатхана.
