Илдарха-Гӏалий тIарча дукха ха яьннача яхархочунга, из даькъалаювца Путингара каьхат дIаделар
05.01.2026 21:17
Илдарха-Гӏалан администраце болхлоша Мархенаькъан Райхьант даькъалайийцар, Российски Федераце Президента Путин Владимира цун 95 шу даларца дайта каьхат дӏалуш. Из хоам бир «Сердало» газетага мэре зарбан болх лелабеча Кхорахой Мурада.
Из лоархӏаме ди ший цӏагӏарчарца дӏадихьар цу кхалсага. Шахьара администраце вахара даькъа кулгалхочо Йовлой Мадинас цунга дӏаделар Россе президента из даькъалаювцаш дайта каьхат. Ший аргӏагIа, ӏадрахьмана Райхьанта баркал аьлар, ше дагайохарах раьза йолаш.
Моттигерча администраце болхлой ше йолча баьхка хилар, дика хеташ, тӏаийцар цо.
