УнахцIенон министерстве гIулакха тIара болхло гIод такха оттавир
06.11.2025 09:58
УнахцIенон гIулакхех йолча Министерствон гIулакха тIа хиннача сага молхаш хьачуэцача балхаца юкъе нийсдалийтача кхоачамбоацарашта тIагIолла 12 административни гIулакх тохкаш хилар мехкара УФАС.
Цу моттига зарбан болх лелабераша белгалдечох, эггара хьалха гIалат ваьннача хана, болх боаггIача боараме дIахьош хила аьнна хьалхадаьккхадар цунна, бакъда цох пайда ца хиннилга гуш да. Бокъонаш ца лоархIаш, болх чакхбаьккха 11 моттиг гучаяьлар.
«ХIара гIулакха тIагIолла 3 000 гIод техар УФАСо. Деррига а дIалаьрхIача, 33 000 эзар сом гIод такха дезаш ва из.
Iаьдала бокъоно оттадаьча тайпара дIабахьа беза хIама хьачуэцаш бола болх, хIаьта наьха унахцIенон хьалаца дувзаденнараш къаьстта йоккха терко, тахьожам беш чакхдаха деза», - дийцар тха газетага.
