Кагирхой кхетачен ЦӀено студенташта новкъостал ду
22.10.2024 11:13
Къилбаседа Кавказерча Гаьгенаькъан Гирихана цӀерах йолча таханарча кердадарий колледжаца бувзам чӀоагӀбир республикерча кагирхой кхетачен ЦӀено. Из хоам «Сердалога» бир цига дакъа лоацаш хиннараша.
«Шинна оагӀонна дикка пайда беш, юкъера бувзам чӀоагӀбеш, хургда из гӀулакх. Кагирхой кхетачен ЦӀен кулгал деча Ведажанаькъан Зоврбика белгалдечох, студентий кхетам лакхбеш йола кхетаченаш дӀакхухьаргья цар цхьана; иштта, республикера гӀо деш лелараш кхы а дукхагӀа хулийташ, болх дӀакхухьаргба», - йоах тха газетага бенача хоамо.
