Республикерча кагирхой кхетачен ЦӀагӀа динцара викторина дӀахьош ба
14.03.2025 09:31
Вай дин дувцаш йолча викторина хьалхара дакъа дӀадихьар кагирхой кхетачен ЦӀагӀа. Из хоам «Сердалога» бир цу моттигера.
«Довза хьай дин» яхача викторине Даьла динцара шоай кхетам тахка гулбелар республикан тайп-тайпарча моттигашкара кагирхой. Кагирхой гӀулакхех йола комитет яр цу гӀулакха хьалхаэттар. Дина тайп-тайпарча оагӀонашца дувзаденнача хаттарашта жоп делар кагирхоша хьалхара дакъа дӀахьош. «ХӀара хаттар лаьрххӀа терко еш кийчъдаь да, динцара шоай уйлаш йовзийта гӀерташ, кадай бар кагирхой», - дийцар тха газетага.
ДӀахо, шоллагӀча даькъа хаттараш да къонабарашка хьежаш.
