Ерригача Россе яхьашка эггара толашагӀа хилар Магасера Къонача эскара цӀа
Магасерча кагирхой моттиге болх дӀахьош дола Къонача эскара цӀа ерригача Россе «Къонача эскара толашагӀа дола цӀа - 2025» яхача яхьашка эггара дикагӀа да аьнна белгалдаьккхар. Из хоам «Сердалога» бир «Къона патриот» яхача ишкола зарбан болх лелабераша.
Цу гӀулакха хетаяьча Москверча кхетаче дакъа лоацаш бар Ерригача Россе берий-кагирхой тӀема юкъарлен оагӀон «Къонача эскара» моттигерча штаба кулгал деш йола Бохтаранаькъан Мадина, цун гӀонч вола Муружанаькъан Мухьмад.
«Из толам вайга хьинаре къахьегарах , вай къона эскархой шоай гӀулакх дика дӀахьош хиларах кхаьчаб», - белгалдир Бохтаранаькъан Мадинас. Хьалха «Сердало» газетага гӀолла оаха хоам баьбар; МагӀалбикерча Къонача эскара цӀено ши шу хьалха цу яхьашка шоллагӀа моттиг яьккхай, аьнна.
