Вай къамах дуккха довзийтаргда революци ялале хиннача «Кавказ» яхача газето
ГӀалгӀайчен селханара истори тохкаш, къахьегаш болча «АСМ Групп» яхача оагӀон болхлоша революци ялале хиннача «Кавказ» яхача газета еррига номераш тахка, гучаяха аьттув баьннаб. 1846-ча шера Тифлисе, арадувлаш хиннад из газет. Из хоам тха «Сердалога» бир мехка кабмино.
«Кавказски доалахо хиннача аьло Воронцова хьаделлийта хиннад «Кавказ» яха газет. ДӀадахача бӀаьшерашка ГӀалгӀайченца дувзаденна хинна истори да газеташ тӀа. 16, 5 эзар газета номераш, юха кердаяьха, ГӀалгӀайчен исторех ЦаӀ йолча базе чуйолхаш хургья. Проекта хьалхаэттараш- «САФМАР», «Меттаоттадар» яха гӀо деш йола ганзаш. Интернета оагӀонашка малхаяьккхаяр «Кавказ» газета 1910-ча шера араяьнна № 237. Шеко йоацаш, из беррига болх йистебаьлча, вайна массанена, иштта ерригача Россена довзаргда ГӀалгӀайчен селханарча истореца дувзаденна дуккхадараш.
