«Цу гӀулакха лаьрхӀа хьахьожаде лерхӀа ахча 6, 6 млрд сомага кхоачаш да, теркалде деза, цу юкъера 4,5 млрд республикерча ганзера долга», - йоах хоамо. 80 км кхоачаш дола наькъаш, 50 метр йӀаьха цу гонахьара моттигаш тоаергья болхлоша укх шера.

ДӀадахача шера, дикка къахьегаш, тоадаьд вай мехкара дукха наькъаш. Вай юрташка, шахьарашка гӀолла чакхвоалаш хилча, гуш да уж беркате хувцамаш. Наьха вахара хьал аттачахьа доаккхаш болх ба из. Мехкадас ше тӀахьожам беш дӀахьош, хам баь варгвоаца боккха къахьегам ба.