Наькъашка ша хургбоацаш, гӀум тувса арабаьннаб цу оагӀон болхлой
17.02.2025 11:41
Саькура беттах тара йоаца йӀовхал оттара тӀехьа, со-м укхаза да шоана, яхаш санна, дикка шелал ера Ӏано. Дом ийккха лаьттача наькъашка бижа ша бошабеш гӀум тувсаш лел ЖКХ къахьегамхой.
Из хоам «Сердалога» бу цу моттигера. Иштта хаоттам латтача деношка къаьстта чӀоагӀа лоралуш, машинаш сиха ца хехкаш, хила беза бахархой.
«Наькъашкарча болхлоша шоашта могар ду машиний паргӀатта дӀа-хьа аха йиш хургйолаш. ГӀор йолча хана лорабалар дех оаха нахага», - белгалдир наькъий хьалах йолча министерствос.
