Гӏалгӏайчен пайда шозза лакхбеннаб ялх шера
Ялх шера ГӏалгӀайчен бюджета хьагойтар, ший пайда 4,4 миллиардагара 9,5 млрд сомага кхаччалца айбенна хилар. Цох хоам бир ГӏалгӀай Республикан Кулгалхочун, Паччахьалкхен зарбан болх лелабераша.
Белгалду, из нийсденнад массайолча оагӀорахьара болх тоабарах, къайлагӀа болх лелабеш дола хьал лаьгӀдарах. Цул совгӀа, шоай доалахьара хӀама леладераша Ӏаьдалца дика бувзамаш леладу, керда балха моттигаш хьакхолл, инвестицеш юкъейоахаш.
ГӏалгӀайчен Кулгалхочо Келаматанаькъан Махьмуд-Ӏаьлас, уж толамаш дахарах дувцаш, белгалдир; иштта пайда луш хилар, мехка хьурмат тешшаме дегӀадоагӀаш хилара тешал да, аьнна.
«Воай доалахьара пайда – ахчанца вай таро тоалуш хилара кӀийле я . Из вай воаш хьадоаккха ахча да, из вай дӀадахийта йиш йолаш да эггара лоархӀамегӀа дола декхараш кхоачашдара: ишколаш, дарбанчеш хьалъяра, тоаяра; наькъаш дегӀадоаладара; вахара хьалаш тодара; дезал, бизнес хьаллацара», - аьлар республикан Кулгалхочо.
Цо иштта тӀатехар, ГӏалгӀайчен Ӏаьдало из оагӀув дӀахо а дегӀайоалае лерхӀаш хилар, мехка бюджета таронаш йоаржаяра.
