Керда спектакль гойта кийчлуш ба драматически театра актёраш
06.03.2025 09:32
Сийлахь-боккхача Даьймехка тӀема котало кхаьча 80 шу дизара хетаяь керда спектакль хьокха кийчлуш ба драматически театре. Чахкенаькъан СаӀида «Къонгаш бовча хана» яха драма хьокхаргья, режиссёра Галай Мурада оттаяь.
Из хоам «Сердалога» бир театра зарбан болх лелабераша. ГӀалгӀай къонгаша, кхалнаха тӀема шерашка гойта денал, майрал, Даьхенцара безам хьахьекхад йоазонхочо ший балхаца. Из деррига сцена тӀа го йиш хургья вай кастта.
«Къонгаш бовча хана» яхар тӀема хало, Ӏазап, вай мехкахой яхь денал дувцаш я. МоастагӀа вохавеш, шоай синош Ӏодийхкарий цӀераш йицъе бокъо йоацилга хьагойт цо», - дийцар театре.
Ала деза, из спектакль кхыча режиссёраша а оттаяь хиннай цу театре, из Шолжа-ГӀалий тӀа долча хана, 70-ча шерашка.
