ГӀалгӀайчен лоамашкара корадаьд, кхерах даь къаьнара галеш
Новые, ранее неизвестные и неучтенные объекты культурного наследия обнаружили сотрудники Джейрахско-Ассинского государственного историко-архитектурного и природного музея-заповедника. На этот раз одну из своих тайн открыл людям башенный комплекс Кост.
«Кост яхача комплекса 50 метр мара гаьна доацаш, корадир кхерах даь хӀамаш чуйиллара лаьрхӀа галеш. Царех шиъ берда йистте да, Хьорхьаст оалача хин тоатолга гаьна доацаш.
Хетаргахьа, уж хий чулоаттадара даь хиннад, кхыдола галеш ялат чулеладара даь хиннад. Уж кӀоагаш-хьасташ даьд кхерах даьча гомашца, кхеран тӀа кӀир тохаш кийчбаь маркхал хьекхаб. ДӀахо цох дола кердадараш ха йиш я, объекташ тохкаш хилча. Уж еррига ушалаш ца харцаш дика латтийсай, Ӏилмага диллача из чӀоагӀа терко тӀаозаш а да», — аьлар «Сердало» газетага ЖӀарйхьа-Эса музее-заповеднике.
Массехк ди хьалха тха газето хоам баьбар, ГӀалгӀайчен лоамашка кхыйола хӀамаш кораярах. Цу хана йийцар яр Лохерча Кяхен комплексе кораяь хинна къаьнара хьайра.
