«Россе къонал» яхача яхье дакъа лоацаш хилар вай ши мехкахо
27.10.2025 10:36
Никифоровх-Денисовх Н. А. болча дагалоаттама хетаяьча РОФСО «Россе къонал» яхача боксах йолча Ерригроссийски яхьашка дакъа лоацаш хилар вай мехкара шиъ боксёр, яхаш, хоам бу «Сердало» газетага спортсмений хьехамчаша.
«Георгиевске яхьаш дӏахьош, царна юкъе дакъа лоацаш хилар 16-17 шу даьнна кагирхой. Пхе дийнахьа лакхара говзал гойташ долча латарашка хьажа таро хилар цига баьхкарий. Вай мехкахочо, Долакха-Юртарча Овшанаькъан ӏаддала 57 кг дозал дарашта юкъе хьалхара моттиг яьккхар. Из дозал долча Янданаькъан Муслима кхоалагӏа моттиг яьккхар. Царца цхьана цига ваха хилар цар хьехамча Джандаранаькъан Микаил, йоах хоамо.
