ГӀалгӀайчен чемпионате коталонга кхача гӀерташ я футбола ши тоаба
08.07.2025 09:42
Ветеранашта юкъе дӀахьош йолча чемпионате ловзаш хургья «Ред Булл», «Заводера ветеранаш» яха футбола ши тоаба. Из хоам «Сердалога» бир цу гӀулакха хьалхалаттараша.
ТӀехьарча массехк ловзаре лакха говзал гойтар шинна тоабо. 10-ча бӀала ловзараш чакхдаьлар иштта: «Эккажакъонгий-Юрт-1» - «Эккажкъонгий-Юртара ветеранаш» (3:4), «ТӀой-Юрт - «Наьсаре» ( 3:2), «Заводера ветеранаш»- «Легион»( 2:0), «Карца» - «Ред Булл» (0:2), «Мочхо» - «ГӀалгӀайчера МВД» ( 3:3).
Яхь дӀахьоча юкъа, бомбардир волча Харсенаькъан Ӏалихана («Ред Булл») 19 бургац чутехай, Пхьиденаькъан Ахьмада тӀехьа («Заводера Ветеранаш») чутеха 11 бургац я.
ТӀеххьарча ловзара юкъе дикка белгалбаьлар Харсенаькъан Адам ( «ТӀой-Юрт»), Саганаькъан Азраил ( «ГӀалгӀайчера МВД»).
