Дунен яхьашкара ши майдилг ера вай панкратионхоша
10.11.2025 09:44
Эллиной мехка дIайихьача дунен яхьашкара ши майдилг ера республиканна вай панкратионхоша. Из хоам «Сердалога» мехкарча спорта гIулакхех йолча Федераце бир.
«Дунен 15 мехкарча говзанчаша дIагойтар шоаш толашагIбарех болга. Лутраки яхача шахьаре дикка белгалбаьлар вай спортсменаш а.
93 кийлах латтача дозалах дото майдилг яьккхар Йовлой Iалихана. Казахстанерча спортсменал котваьлар из. Молдовера кхаьчача спортсменаца гIертачул тIехьагIа, шоллагIча моттиге оттавир из.
77 кийлах латтача дозалах борза майдилг яьккхар Дудурганаькъан Аласхана. Котбаьннарашта хьалхалаьттараш ба Гелисханаькъан Iаддал, Шоанахой Ваха.
