«Из тха дезалцара да» яхача яхьашка дакъа лоацаш ба вай мехкара ши дезал
Ерригача Россе дӏахьош йолча «Из тха дезалцара да» яхача яхьашка дакъа лоацаш ба вай мехкахой. Яхьа шоллагӏа даькъо болх укх бетта 13-ча дийнахьа дӏаболабир. «Сердалога» из хоам бир «Хьалхарчар болам» яхача оагӏон доакъашхочо Налганаькъан Рамзана.
«Росси - аьттоний мохк» яхача оагӏоно йоаржаяьй яхьаш тайп-тайпарча моттигашкара дезалаш вӏашкаозар духьа, дезалашта юкъера лоархӏамедараш, цар истори хьаллоацаш. 6 шергара 17 шерга кхаччалца бараш, боккхий кхалнах, маӏа нах юкъе болаш, 726 эзар совгӏа саг ва цу юкъеотта лайнараш.
Вай мехкара яхьашка дакъа лоацача шин тоабо массанена дӏадовзийтаргда къаман ӏадаташ, культура, дезала юкъе лоархӏамедараш. Эггара толашагӏа болча 60 доакъашхочоа 5 млн ахча лургда, шоай дезала юкъера проекташ йоаржаеш къахьега.
