Илдарха-Гӏалий тӀарча шин йишас «Изумруда шахьар» яхача яхье котало яьккхар
Илдарха-Гӏалий тӀарча №1 йолча юкъерча ишколе дешаш йолча шин йишас «Изумруда шахьар» яхача яхье котало яьккхар, яхаш, дийцар «Сердало» газетага дешара моттига кулгалхочо Чӏасанаькъан Заретас.
«ЦхьоалагӀча, шоллагӀча класса дешархоша Овшанаькъан Амирас, Анисас шоай начӀал гойтар фортопианоца ашараш локхаш, М. Качурбина «Чайтоанг теникаца» яха композици гойташ. Уж йиӀигаш Ӏомалуш я Илдарха-Гӏалан берий ишколе, ПаргӀилганаькъан Фирдовс хьехамча йолаш», - аьлар хоамо.
Юкъарча дешара урхаллен кулгалхо тешаш ва цар шоай профессиональни начӀал дӀахохьоргда, аьнна, ГӏалгӀайче культурни дегӀаяра даькъ тӀа дика лар юташ.
Цар толам - из кхыча дешархошта дола масал да, гаргарчар уж хьаллоацаш хиларо царна толамаш даха таро лу», - аьлар Чӏасанаькъан Заретас.
