ГӀалгӀай шин дезала новкъостал дир йӀовхалцара дош кхоачашде
20.02.2025 17:12
«Даьхен лорбой» ГӀалгӀайчен ганзо новкъостал дир ЛаьрххӀача операце доакъашхочун, ветерана дезала йӀовхал ца тоъаш хиларца дувзаденна дош кхоачашде, яхаш, дийцар «Сердало» газетага гӀулакх даьраша.
«Ардара бутт хьаболабелча денз,СВО ветерана Янданаькъан Мухьмад-ТӀахӀира дезал шелал ла езаш хилар. Из цӀа тишденна хиларах, цу чу бахараш йӀовхал а бӀеха хиш дӀауха моттиг а йоацаш бисабар.Цу моча хьалашка бар бӀухочун Ӏарчакханаькъан дезал а.
Шоашта тӀахьожам лоаттабеш болча нахага даьча кхайкаралах, ганза вахара хьашташка хьожача Коазой Хьамида сиха хьабийхар вахара-коммунальни хьалаш лоаттаду викалаш. Цар шоай аргӀагӀа кхоачашдир хьалхашка этта хинна хаттараш.
