Дзюдоисташа шоай низ-хьинар гойтаргда Россе хьалхале яккхара яхьашка
14.11.2024 16:04
ГӏалгӀайчен кхоане йола дзюдоисташ шоай низ-хьинар гойташ хургба 21 шерга кхаччалца ха яьннача спортсменашта юкъе дӀахьоча Россе хьалхале яккхара къовсамашка, яхаш, дийцар «Сердало» газетага мехка спорта Министерствос.
«ХьалхагӀа вай мехка яхьаш дӀахьош доккхий толамаш даьха 13 спортсмен ва цига дакъа лоацаш. Рязань-Шахьаре царца вахав воккхагӀа вола тренер Габасов Имранбик. Дзюдоисташта, котало яьккхарашта, лургда ахчан совгӀаташ, уж дала оттадаьд Россе дзюдо Федераце. Яхьашка котваьнначоа 100 эзар сом лургда, шоллагӀчунна 50 эзар сом, кхоалагӀа моттиг яьккхачоа - 25 эзар сом», - аьлар хоамо.
