Ерригача Россе яхьашка лакха толамаш даьхар вай дзюдоисташа
13.05.2024 09:50
«Магас» яхача спорта цӀагӀа дӀайихьача ерригача Россе яхьашка, толамаш даьхар вай дзюдоисташа. Из хоам «Сердалога» бир спорта гӀулакхех йолча министерствон зарбан болх лелабераша.
«Спорта воккха говзанч хиннача Пхьарчанаькъан Мухьмада хетаяь яр из кхетаче. Россе 12 моттигера 139 спортсмен гулвеннавар шоай низ дӀагойта. Тайп-тайпарча дозалах йола майдилгаш елар вай республикерча виъ спортсмена.
73 кг дозал долча Къамурзой Мухьмада дотув кхаьчар. КхоалагӀча лагӀа тӀа эттараш - Пхьарчанаькъан Ӏимран, Угарчанаькъан Сейт-Мухьмад. 81 кг ярашта юкъе борза майдилг яьккхар ЦӀечой Ахьмада», - йоах тхогарча хоамо.
