ГӏалгӀайчен единороссаш хьожаш ба, шелал тIаярца яьча кийчонга
Наьсарен кхален «ЦаӀ йолча Россе» моттигерча парте даькъа секретарь Исмейланаькъан Амиран, райсовета кулгалхо Эккажанаькъан Идрис хьежар хьатӀайоагӀача шелалга котельне кийчо мишта яьй, яхаш, дийцар «Сердало» газетага парте моттигерча даькъа викалаша.
«Цу котельне Ӏалашо ю Яндарерча, вIаштӀара даьча ийс цӀенна, ишкола, берий беша. Керттера терко тӀаяхийтар Ӏан заманга котельне болх лерттӀа вӀашагӀболлара, из тешшаме хилийтара. Говзанчаша белгалдир, деррига котёлаш болх бара кийча хилар, юкъе кхоачамбоацараш доацаш, из болх лерттӀа дӀахьош хилар», - йоах хоамо.
Исмейланаькъан Амирана белгалдир, ший ханнахьа кийчо яь уж хилар лоархӀаме долга, бахархошта лерттӀа хьалаш хургдолаш.
«Тха декхар - тхоашта могар дар да, наха йӀовхал лоаттаяра, цар йоакхо яра, цар фусамашка йӀайха хилийтара, Ӏан шелалах уж лорабара», - аьлар цо.
Эккажакъонгий Идриса белгалдир йӀовхал лоаттаяра ха хьаотташ хиларца, пешкаш лерттӀа болх беш хилийтар керттера декхар долга.
