Единороссаш Наьсаре берий беш хьалъеча бахар
ГӏалгӀайчен единороссаш, шоашта керте парте Наьсарен отделене секретарь Бохтаранаькъан Ювсап волаш, «Лидочка» яха берий беш хьалъеча бахар, из Наьсарен Интернациональни урам тӀа хьалъеш я.
«Из лаьрхӀа я 220 бера, хӀанз хьалъяь яла йоалл, тов бетта дӀачуяла кийчъеш а я. Цига тхо хьежар болх дӀа мишта бода. Гӏишлонхой хӀанз мебель дӀаоттаеш, вентиляце балхаш йистедоахаш ба.
Тхо тешаш да, керда берий беш, берашта шоай цӀа санна езаргхиларах, цудухьа хьалаш а иштта вӀаштӀехьадаьхад цига. Керттера терко тӀайохийт берий беш хьалъеш дӀайохийташ йолча хӀаманна, гӀирсашта, берий кхерамзле лораяра», - аьлар «Сердало» газетага Бохтаранаькъан Ювсапа.
ГӏалгӀайчен единороссаша, халкъа программанна чудоагӀаш, хьаллоац социальни дешара хьалаш, цар таро хулийт мехка бераш дегӀадара йола моттиг Ӏалашъе.
