«ЦӀий дӀалур» яхача боламе дакъа лаца арабаьлар единороссаш
14.01.2025 09:21
«ЦӀий дӀалур» яха беркате, наха боккха пайда беш бола болам хьаллоацаш хилар единороссаш, моттигерча парте исполкома кулгал деш вола Кхоартой ИбрахӀим хьалха волаш. Из хоам тха газетага бир цигарча зарбан болх лелабераша. ЦӀий дӀачуийдеча станце болхлоша белгалдечох; хами, махи баь варгвоацаш; доккха гӀулакх да из, хӀана аьлча цӀий молхаш санна эца йиш йолаш дац цхьаккха тайпарча ахчах.
ЦӀий дӀачутелаш болча наха дер доккха дика да. Унахочунна дарба деш хилча, эггара чӀоагӀагӀа эшар цӀий да, из кхетадеш ба цӀий дӀадала ухараш.
«Иштта бола болам хьаллоацаш волчо шийца кхыбола нах а сомабоах цу гӀулакха. Унахо верзавеча дакъа лоацаш бола нах ба уж! Наха юкъера барт, бувзам, безам чӀоагӀбеш дола беркате хӀама да из», - аьлар единороссаша.
