ГӀалгӀайчен единороссаша цӀий дӀалуча боламе дакъа лаьцар
Къаман цӀий дӀалуш дола ди хьатӀадоагӀаш, хӀара шера бекарга бетта 20-ча дийнахьа белгалду цун дозал. Цу тайпара, ГӀалгӀай Республикан Халкъа Гуллама депутаташа, «ЦаӀ йолча Россе» парте цӀерагӀа, шоашта керте моттигерча парте исполкома кулгалхо Кхоартой ИбрахӀим волаш, дакъа лаьцар цӀий дӀалуча. Из болх вӀашагӀбеллар яр республикан цӀий дӀаийдеш йола моттиг яхаш, дийцар «Сердало» газетага «ЕР» зарбан болх лелабераша.
Единороссаш цу дикача гӀулакхе хьаллаьцар массаза дерригача цӀий дӀалуш долча боламашка дакъа лоацаш йолча «Дикача наьха Клуба», иштта «Къонача гварде» доакъашхоша.
«Цу боламо цӀаькха а хьагойтар лакха вахара бехктокхам хилар парте а из хьаллоацарий а. Геттара лоархӀаме да, из санна дола гӀулакх депутаташа къоабалдеш хилар, цар масало кхычарна дика гӀулакхаш де дагадохийт.
Донарий цӀий массаза эшаш да, къаьстта сиха эшача хана, из цахиларах сага вахар кӀалдусаш моттиг нийслу. Из дӀадаларца вай дер доккха гӀулакх да», - аьлар Кхоартой ИбрахӀима.
