Единороссаш МагӀалбике тоадаьча урамашка хьежар
25.04.2024 15:23
«ЦӀаӀ йола Росси» яхача парте доакъашхой баха хилар МагӀалбик-Шахьара З. Космодемьянскаяй цӀерагӀча урам тӀа баьча балхага хьажа. Из болх чубоагӀаш бар «Шахьара хьалаш» яхача федеральни проект кхоачашъяра, яхаш, дийцар «Сердало» газетага парте моттигерча отделене.
«Цу балха дакъа лоацаш, парте моттигерча отделене доакъашхо Йовлой Ӏусман, иштта шахьара совета депутаташ бар. Цу доал деча даькъ тӀарча моттига дикалах ала хӀама дацар. Укхаза дика Ӏобиллаб асфальт, наькъа йистош нийсъяьй, сердал хургйолча гӀулакхага хьежаб», - йоах хоамо.
Белгалду, Россе бахархошта лерттӀа вахара хьалаш хилийтар, керттера декхар да «ЦаӀ йолча Россе». Из болх дӀаболабаьб юкъара доазонаш тоадара лаьрхӀа 2017 шера, цунна юкъедоаладу наха шоашта бакъахьа хетар а.
