Мехкара гӀишлонхой цӀайца даькъалабийцар единороссаша
ГӀишлонхой Ди хьатӀакхоачаш латтарца, гӀишлошъяра балхех йолча министерстве ваха хилар мехкарча «ЦаӀ йола Росси» яхача парте РИКа хьалха латта Кхоартой ИбрахӀим.ХьатӀадоагӀача цӀайца даькъалабийцар цо гӀишлонхой. «Сердалога» из хоам министерстве бир.
«ЦаӀ йола Росси» яхача парте моттигерча оагӀон Секретарь волча ТӀумхой Мухьмадагара къамаьл дӀадир цига Кхоартой ИбрахӀима. Иленаькъан Мусайна доккха баркал аьлар, цо бехктокхаме болх дӀабахьарах, шоай декхараш дизза кхоачашдеш къахьегарах. ДӀахойодача хана а, иштта беркате хилба цар болх», - йоах тхога бенача хоамо.
«ГӀишлонхой болх аттачарех бац. Лакха говзал, кӀоарга кхетам эшаш, боаггӀача боараме къахьегар чӀоагӀа лоархӀаме долаш моттиг я из. ГӀишлонхо ший гӀулакх дезаш хила веза», - белгалдир Кхоартой ИбрахӀима ший къамаьла юкъе.
Ший болх дика шаьрбаь, нийсача оагӀорахьа из дӀахьош вола гӀишлонхо, мах баь варгвоаца болхло ва. Цу оагӀонца къахьегарашта духьала дукха халонаш нийслу, ший гӀулакх довзача сага хов кхоачамбоацараш юстардоахаш бола болх мишта дӀабахьа беза.
ГӀишлон балхех йолча министерствон кулгалхочо а ший аргӀагӀа грамота елар хьаьшанна, доккха баркал аьлар иштта шоашта терко еш хиларах.
