Вахаре эггара дукхагӀа эшаш йолча молхай мах миштаб хьожаш хилар единороссаш
05.08.2024 16:23
Магасерча аптеке йохкаш йолча, эггара дукхагӀа ийеча молхай мах мишта латт тахка арабаьлар «ЦаӀ йола Росси» яхача парте доакъашхой. Из хоам «Сердалога» бир цу моттигера.
«Из лоархӀаме болх дӀабахьа арабаьннараш бар шахьара депутатий Горсовета хьалха латта Дарсиганаькъан Хаваж-Бахьаудин, цун гӀонча ГӀоандалой Ислам, ГӀаьнажанаькъан Мадина», - йоах хоамо.
Депутаташа теркаме лаьцараш яр наха эггара дукхагӀа ийеш йола, мах лакха хила йиш йоаца молхаш. ЛоархӀамечарна юкъе яр антибиотикаш, пехкашта, бронхашта, пунчи кхийтача дарба де эшараш, дега еза молхаш. ТӀахьожама болх, цхьаккха кхоачамбоацараш ца нийслуш, дика чакхбаьлар.
«ДӀабихьача балхо хьагойтар, аптекашкара хьал боаггӀача боараме латтилга», - белгалдир Дарсиганаькъан Хаваж-Бахьаудина.
