«Оаха эшаш мел дола хьалаш вӀашагӀдехкад выпускникаша паргӀатта шоай болх дӀахьоргболаш, шоашта ховш дар цар хьагойта таро хургйолаш.

Карарча шера экзаменаш дӀахьош я 10 моттиге, иштта цхьан моттиге цӀагӀа а. Белгалдаккха безам ба, карарча шера ЕГЭ юха дӀаяла таро я шоаш хержача Ӏилмах кӀимарса бетта 4-5-ча деношка.

ЕГЭ дӀалуш хиннача хьалхарча деношка; химех, географех, литературах, эрсий меттах, математиках, физиках, обществознанех экзаменаш дика дӀаелар, иштта информатиках, ингалсий меттах а», - аьлар республикан кулгалхочо Келаматанаькъан Махьмуд-Ӏаьлас, из лоархӀаме дош дувцаш. Цо аьлар химиех, литературах, географех экзаменаш дӀаеннарашта юкъе 100 балл баьккхараш ба, аьнна.

Келаматанаькъан Махьмуд-Ӏаьлас ловца баьккхар экзамен дӀалучарна; сабар, сатем, шоай таронех тешаш хилар хилда шуца, аьнна.