ГӀалгӀайчен хьунашка хьожаш ба чарахьаш
29.11.2024 11:11
ГӀалгӀайчен хьунашка карарча хана доккха лоа диллад, цо дӀалаьцай дикка моттиг. Шолжерча Белоглинки оалача чарахьал деча даькъ тӀа аргӀанара болх дӀахьош ба, цун керте латт кулгалхо Зангенаькъан Мухьмад, яхаш, дийцар «Сердало» газетага республикан Ӏалама Министерствос.
«ХӀара денна тха чарахьаш чакхбоал хьайбаш лелача даькъ тӀара хьал тохкаш, царна даарца кхоачам беш, эшаш дола хьалаш Ӏалашдеш», - аьлар Ӏалам лорадеча боахамера хьабайтача хоамо.
Бахархошта хьалхадаьккхад, бокъо йоацаш хьайбашта кӀийлен багӀар бехктокхаме озаш хилар, ГӀалгӀайчен лоархӀамеча хӀамашта тӀакхувдараш административни а уголовни а бехктокхаме озаргба. Из болх дӀахьош хургба даим.
