Чарахьал дара бокъонаш лораеш ба, хьун тӀахьожам лоаттабераш
26.08.2025 11:55
Чарахьал деш йола ха я мехка латтар. Хьунашкара тӀахьожам чӀоагӀбеш, цу оагӀонцара бокъонаш лораеш ба хьун боахамашта тӀахьожам бераш. Из хоам «Сердалога» бир Ӏалама гӀулакхех йолча Министерстве.
Бокъо йоацача тайпара чарахьал дерех, хьун дийнаташ лорадеш къахьег цар. Россе, ГӀалгӀайчен ЦӀеча книжкаш тӀара оакхарий, оалхазараш да лорадерашта юкъе.
«Шийна тӀехьа чӀоагӀдаьча доазон тӀа лакха тӀахьожам лоаттабеш болх дӀакхахьа безаш ва, хьун моттигашта тӀахьожам беш вола хӀара саг», - йоах министерствера бенача хоамо.
Чарахьал дара бокъонаш лораеш боацараш дукха нийслу хьунашка, цудухьа фийла хила везаш да тӀахьожачун гӀулакх.
Хьунашкара бокъонаш лораеш боацарашта, Федеральни оагӀоно оттадаьчунга хьежжа бехктокхаме озаш, гӀод тохаргда.
